Pum Ffordd i Ymarfer eich Cymraeg

Lefel Mynediad +

Mae llawer o ddysgwyr yn dweud bod ymarfer eu Cymraeg yn anodd. Dyma pum syniad ar gyfer beth dych chi'n gallu gwneud i ymarfer eich sgiliau Siarad, Gwrando, Darllen ac Ysgrifennu ar ôl i'r dosbarth!

1. Mynd i Sesiwn Cefnogi Dysgwyr gyda Dysgu Cymraeg

Mae ymarfer siarad yn gallu codi ofn, ond mae'n bwysig dych chi'n siarad o'r dechrau. Felly, mae'r Ganolfan Dysgu Cymraeg yn rhedeg llawer o weithgareddau ledled Cymru i helpu siaradwyr newydd ymarfer siarad! Beth am fynd i fore coffi neu sesiwn sgwrsio ar lein neu yn eich ardal chi? Dych chi'n gallu ffeindio'r gweithgareddau ar wefan y Ganolfan.

2. Gwrando ar Bodlediad

Mae podlediadau yn ffordd dda iawn o ymarfer eich sgiliau gwrando. Mae miloedd o bodlediadau ar gael ar ypod.cymru. Felly, ewch i'r wefan a ffeindiwch bodlediad sydd o ddiddordeb i chi, mae llawer o ddewis.

3. Darllen Llyfr yn y Cyfres Amdani

Mae'r llyfrau yn y cyfres amdani yn ffantasteg ac yn addas ar gyfer pob lefel dysgu! Mae dros 40 teitl yn y cyfres erbyn hyn gyda rhywbeth ar gyfer pawb. Y llyfr cyntaf yn y cyfres yw 'Am Loteri' ac maen nhw'n dilyn yr unedau Dysgu Cymraeg. Os dych chi ddim eisiau prynu'r llyfrau, dych chi'n gallu benthyg y llyfrau am ddim ar BorrowBox!

4. Ysgrifennu Dyddiadur

Mae ymarfer ysgrifennu'n gallu bod yn anodd, hefyd. Ond, beth am ysgrifennu dyddiadur? Dych chi'n gallu ysgrifennu brawddeg neu ddau bob dydd i siarad am beth wnaethoch chi yn ystod y diwrnod. Yna, dych chi'n gallu ymarfer y patrwm newydd dych chi wedi dysgu yn eich gwersi.

5. Gweld beth sy'n digwydd gyda Menter Iaith

Mae Menter Iaith yn cynnal digwyddiadau ledled Cymru i siaradwyr newydd a siaradwyr rhugl. Ewch i wefan Menter Iaith i weld y digwyddiadau yn eich ardal chi! Mae Menter iaith yn gwneud gigs, sesiynau sgwrsio, bore coffi a llawer o bethau eraill!

Dych chi'n gallu meddwl am bethau eraill i wneud i ymarfer eich Cymraeg? Beth am rannu eich syniadau gyda ni!

Geirfa

Anodd - Difficult

Syniad - Idea

Codi ofn - Frighten

Ledled - Throughout

Gweithgareddau - Activities

Podlediad - Podcast

Addas - Suitable

Erbyn hyn - Now

Benthyg - Borrow

Dyddiadur - Diary

Cynnal - Carry out/Hold

Digwyddiadau - Events

Rhugl - Fluent